زمین کو سیارچے سے بچانے کے لیے ایٹمی ہتھیار استعمال کرنے کی تجویز

سائنس دانوں کی ایک نئی تحقیق میں یہ اہم تجویز سامنے آئی ہے کہ اگر مستقبل میں کوئی خطرناک سیارچہ (Asteroid) زمین سے ٹکرانے کے قریب ہو اور دفاعی کارروائی کے لیے وقت انتہائی کم ہو، تو اس کے اندر ایٹم بم نصب کر کے دھماکا کرنا سب سے مؤثر حکمتِ عملی ثابت ہو سکتی ہے۔ ماہرینِ فلکیات کے مطابق، اگرچہ اس وقت ایسا کوئی معلوم سیارچہ موجود نہیں جو مستقبل قریب میں زمین کے لیے خطرہ بنے، تاہم کسی بھی وقت ایسا نیا خلائی پتھر دریافت ہو سکتا ہے جو چند ہی دنوں میں زمین سے ٹکرا سکتا ہو۔ ایسی ہنگامی صورتحال میں روایتی طریقے، جیسے کہ کسی خلائی جہاز کو سیارچے سے ٹکرا کر اس کا رخ موڑنا، بے اثر ثابت ہوں گے، جس کے باعث ایٹمی دھماکے کے ذریعے سیارچے کو تباہ کرنا ہی انسانیت کو بچانے کا واحد حل ہو سکتا ہے