ملک بھر میں 74 لاکھ 70 ہزار جانور قربان کیے گئے، ٹینریز ایسوسی ایشن

ٹینریز ایسوسی ایشن نے کہا ہے کہ ملک بھر میں عیدالاضحیٰ کے موقع پر مجموعی طور پر 74 لاکھ 70 ہزار جانور قربان کیے گئے، جبکہ گزشتہ سال یہ تعداد 69 لاکھ 77 ہزار 565 رہی تھی۔

رپورٹ کے مطابق اس سال 27 لاکھ 50 ہزار گائے اور بیل، 42 لاکھ بکرے، 5 لاکھ بھیڑیں اور 25 ہزار اونٹ قربان کیے گئے۔

ٹینریز ایسوسی ایشن کے مطابق بیل اور گائے کی کھال کی قیمت 2200 روپے فی کھال رہی، بکرے کی کھال 600 روپے، بھیڑ کی 100 روپے جبکہ اونٹ کی کھال 2000 روپے مقرر رہی۔

رپورٹ میں بتایا گیا کہ اس سال کھالوں کی مجموعی مالیت 8 ارب 67 کروڑ روپے رہی۔