خیبرپختونخوا کے 47 فیصد سرکاری سکول غیر محفوظ قرار: رپورٹ

پشاور کے سانحہ دیر کالونی کے بعد خیبر پختونخوا حکومت کی ہدایت پر صوبے بھر کے سرکاری سکولوں کی عمارتوں کا سٹرکچرل سیفٹی آڈٹ مکمل کر لیا گیا ہے، جس کی رپورٹ میں 47 فیصد سکولوں کی عمارتوں کو غیر محفوظ قرار دیا گیا ہے۔ محکمہ تعمیرات و مواصلات (C&W) کی جانب سے صوبے کے 8 ہزار 928 سرکاری سکولوں کا معائنہ کیا گیا، جس میں سے 4 ہزار 792 سکول (53 فیصد) محفوظ جبکہ 2 ہزار 448 سکول غیر محفوظ پائے گئے۔ حکومت نے خطرے سے دوچار ان سکولوں کی عمارتوں کی فوری مرمت اور ازسرِ نو تعمیر کے لیے اقدامات کا آغاز کر دیا ہے تاکہ طلبہ و طالبات کے تحفظ کو یقینی بنایا جا سکے۔