ایران نے برطانوی بحریہ اور فضائیہ کو دہشت گرد تنظیمیں قرار دے دیا

ایران کی وزارتِ خارجہ نے باضابطہ اعلان کرتے ہوئے برطانیہ کی رائل نیوی اور رائل ایئر فورس کو ‘دہشت گرد تنظیمیں’ جبکہ برطانوی استخباراتی ایجنسی ایم آئی سکس (MI6) کو ‘دشمن گروپ’ کی فہرست میں شامل کر دیا ہے۔ ایرانی ترجمان کے مطابق یہ اقدامات امریکہ اور اسرائیل کی ایران کے خلاف جاری کارروائیوں میں برطانیہ کی معاونت اور ایران مخالف سرگرمیوں کے جواب میں اٹھائے گئے ہیں۔ ایرانی حکام نے واضح کیا کہ تہران اپنی قومی سلامتی، خودمختاری اور دفاعی مفادات کے تحفظ کے لیے ہر ممکن اقدام کا حق رکھتا ہے۔ واضح رہے کہ رواں سال جولائی میں برطانیہ نے بھی ایرانی پاسدارانِ انقلاب اسلامی (IRGC) کو اپنی قومی سلامتی کے لیے شدید خطرہ قرار دیتے ہوئے پابندیاں عائد کی تھیں۔