امریکا کا لہجہ تبدیل، ایران کی 7 شرائط ماننے پر آمادہ ہوگیا: محسن رضائی

ایران کی قومی سلامتی کونسل کے سربراہ میجر جنرل محسن رضائی نے انکشاف کیا ہے کہ امریکہ تہران کی جانب سے پیش کی گئی 7 شرائط تسلیم کرنے پر آمادگی ظاہر کر چکا ہے، جو کہ سابقہ اسلام آباد مفاہمتی یادداشت سے مختلف ہیں۔ ایرانی سرکاری ٹی وی کو انٹرویو دیتے ہوئے انہوں نے بتایا کہ پاکستان اور قطر اس سفارتی عمل کی قیادت کر رہے ہیں جبکہ تہران میں پاکستان، سعودی عرب اور ترکیہ کے حکام کے ساتھ علاقائی سلامتی کے حوالے سے چار فریقی اجلاس بھی منعقد ہوا ہے۔ محسن رضائی اور ایرانی وزیرِ خارجہ عباس عراقچی نے امریکی نائب صدر جے ڈی وینس کے خط کے موصول ہونے کی تصدیق کی تاہم انہوں نے واضح کیا کہ حتمی مذاکرات شرائط کی منظوری پر منحصر ہوں گے۔ انہوں نے خبردار کیا کہ اگر ایران پر دوبارہ حملہ ہوا تو اس کا جواب نئے ہتھیاروں کے ساتھ دیا جائے گا اور ملک میں نئی جنگ کی صورت میں جوہری پالیسی میں تبدیلی سے متعلق اندرونی بحث بھی جاری ہے۔