افغان طالبان نے دہشتگردی کی حمایت بند نہ کی تو سنگین قیمت چکانا پڑے گی: ترجمان پاک فوج

ڈی جی آئی ایس پی آر لیفٹیننٹ جنرل احمد شریف چودھری نے عالمی خبر رساں ادارے ‘رائٹرز’ کو انٹرویو دیتے ہوئے خبردار کیا ہے کہ اگر افغان طالبان نے پاکستان میں دہشت گردی کی حمایت بند نہ کی تو انہیں اس کی سنگین قیمت چکانا پڑے گی۔ انہوں نے کہا کہ بھارت پاکستان میں دہشت گردی کا سب سے بڑا اسپانسر ہے جبکہ افغان طالبان رجیم، ٹی ٹی پی اور بی ایل اے کو بھارتی پراکسی کے طور پر استعمال کیا جا رہا ہے۔ پاک فوج کے ترجمان نے انکشاف کیا کہ افغانستان کی سر زمین پر اقوام متحدہ اور عالمی برادری کی تائید شدہ القاعدہ، داعش اور دیگر کالعدم تنظیموں کی موجودگی ثابت ہے، جہاں نور ولی محسود اور گل بہادر جیسے دہشت گردوں کو پناہ دی گئی ہے۔ انہوں نے بین الاقوامی برادری پر زور دیا کہ وہ افغان حکومت کو ایک نارمل ریاست کا رویہ اختیار کرنے اور منشیات کی پیداوار روکنے پر مجبور کرے، جبکہ مسلح افواج تمام فضائی و زمینی خطرات کا سدِباب کرنے کے لیے مکمل تیار ہیں۔