بجٹ 27-2026 کی تیاریاں: آئی ایم ایف اور ایف بی آر مذاکرات مکمل، 15,262 ارب روپے کا ریکارڈ ٹیکس ہدف مقرر

اسلام آباد: مالیاتی سال 27-2026 کے آئندہ وفاقی بجٹ کی تیاریاں تیز کر دی گئی ہیں۔ ذرائع کے مطابق، عالمی مالیاتی فنڈ (IMF) اور فیڈرل بورڈ آف ریونیو (FBR) کے درمیان باقاعدہ مذاکرات کا سلسلہ مکمل ہو گیا ہے، جبکہ دونوں کے مابین غیر رسمی بات چیت کا تبادلہ جاری رہے گا۔ آئی ایم ایف مشن اور پاکستان کے درمیان بجٹ کے حوالے سے جاری یہ اہم مذاکرات آج حتمی طور پر مکمل ہو جائیں گے۔

ذرائع نے انکشاف کیا ہے کہ ایف بی آر نے اگلے مالیاتی سال کے بجٹ میں ریکارڈ 15,262 ارب روپے کے ٹیکس محصولات اکٹھے کرنے کا بڑا ہدف طے کیا ہے۔ اس کے ساتھ ہی، اگلے بجٹ میں ٹیکس ٹو جی ڈی پی (Tax-to-GDP Ratio) کی شرح کو بڑھا کر 11.2 فیصد تک پہنچانے کا ہدف مقرر کیا گیا ہے۔

آئی ایم ایف کو پیش کیے گئے پلان کے مطابق، ایف بی آر انفورسمنٹ (ایڈمنسٹریٹو اقدامات) کے ذریعے 775 ارب روپے کے اضافی محصولات حاصل کرے گا، جبکہ بجٹ میں 430 ارب روپے کے نئے ٹیکس عائد کیے جانے کی تجویز ہے۔ اس کے علاوہ، عدالتوں میں زیرِ التوا مقدمات کے فوری فیصلے اور بحالی کے ذریعے 300 ارب روپے کی وصولیاں کی جائیں گی۔

بجٹ 27-2026 کے لیے ٹیکس وصولیوں کی تفصیلی تقسیم (پالیسی ونگ ذرائع):

آئندہ بجٹ میں مختلف شعبوں سے ٹیکس جمع کرنے کے لیے درج ذیل اہداف مقرر کیے گئے ہیں: