لاہورمیں مارکیٹس کے اوقات کارمیں نرمی، 8بجے بندش کی پابندی ختم

لاہور میں مارکیٹس کے اوقات کار میں یکم جون تک نرمی کا اعلان کرتے ہوئے 8 بجے بندش کی پابندی ختم کردی گئی۔

ڈپٹی کمشنر لاہور کیپٹن ریٹائرڈ علی اعجاز کے مطابق جمعرات سے مارکیٹس کی رات 8 بجے بندش کی پابندی ختم ہوگی، جس سے تاجروں اور شہریوں کو سہولت میسر آئے گی۔

انہوں نے کہا کہ تاجر برادری کو ریلیف فراہم کرنا حکومت کی اولین ذمے داری ہے، جبکہ نئے فیصلے سے شہریوں کے لیے خریداری میں بھی آسانی پیدا ہوگی۔

ضلعی انتظامیہ کے مطابق فیصلے کا مقصد کاروباری سرگرمیوں کو سہارا دینا اور عوام کو زیادہ وقت تک خریداری کی سہولت فراہم کرنا ہے۔