گوجرانوالہ، لیبیاکشتی حادثے میں ملوث باپ بیٹے کو 22، 22سال قید، 14، 14لاکھ روپے جرمانہ

گوجرانوالہ کی مقامی عدالت نے  لیبیا کشتی حادثے میں ملوث باپ بیٹے کو22، 22سال قید اور 14، 14لاکھ روپے جرمانے کی سزاسنادی۔

فیصلہ ایف آئی اے کی خصوصی عدالت کے جج نے سنایا۔ پراسیکیوشن کی جانب سے عدالت میں کہا گیا کہ انسانی اسمگلرز نے دو بھائیوں کو اٹلی بھجوانے کے عوض 62 لاکھ روپے لیے،دونوں بھائی کشتی الٹنے سے جاں بحق ہو گئے تھے۔

کشتی حادثہ جون 2023 میں پیش آیا تھا جس کے بعد ورثا نے تھانہ ایف آئی اے گوجرانوالہ میں مقدمہ درج کروایا تھا۔

لیبیا میں 5  فروری 2023 کو تارکینِ وطن کی کشتی کو حادثہ پیش آیا تھا جس کے نتیجے میں 16 پاکستانی جاں بحق ہوئے تھے۔