لاہور ہائیکورٹ کا نیا ججز روسٹر جاری، 2 نومبر سے 24 دسمبر تک بنچز مقدمات سنیں گے

لاہور ہائیکورٹ نے پرنسپل سیٹ لاہور سمیت بہاولپور، ملتان اور راولپنڈی بنچوں کے لیے 2 نومبر سے 24 دسمبر 2026 تک کا نیا ججز روسٹر جاری کر دیا ہے۔ جاری کردہ شیڈول کے مطابق پرنسپل سیٹ لاہور پر 11 ڈویژن اور 27 سنگل بنچز تشکیل دیے گئے ہیں، جن میں چیف جسٹس عالیہ نیلم، جسٹس عابد عزیز شیخ اور دیگر ججز فوجداری، دیوانی، ٹیکس، کمرشل اور نیب مقدمات کی سماعت کریں گے۔ علاوہ ازیں ملتان بنچ میں 5 ڈویژن اور 10 سنگل بنچز، راولپنڈی بنچ میں 3 ڈویژن اور 6 سنگل بنچز، جبکہ بہاولپور بنچ کے لیے 2 ڈویژن اور 5 سنگل بنچز کی ذمہ داریاں مختص کی گئی ہیں تاکہ مختلف نوعیت کے زیرِ التوا مقدمات کی فوری سماعت کو یقینی بنایا جا سکے۔