پنجاب کی سرکاری لائبریریوں میں فائر وال سسٹم نصب کرنے کا فیصلہ

پنجاب بھر کی 14 سرکاری لائبریریوں میں سائبر حملوں کو روکنے اور انٹرنیٹ کے محفوظ استعمال کو یقینی بنانے کے لیے جدید فائر وال ٹیکنالوجی استعمال کرنے کا فیصلہ کیا گیا ہے۔ اس منصوبے کا بنیادی مقصد لائبریری ممبرز کی رسائی صرف تعلیمی اور تحقیقی مواد تک محدود کرنا اور غیر متعلقہ یا غیر اخلاقی ویب سائٹس کو بلاک کرنا ہے۔ 5 کروڑ روپے کی لاگت سے تیار ہونے والے اس منصوبے کی متعلقہ فورمز سے منظوری حاصل کر لی گئی ہے، جس کے بعد آئی ٹی نظام کو محفوظ بنانے کے اقدامات تیز کر دیے گئے ہیں۔