نہیں کہہ سکتاکہ بجلی سستی ہوگی یامہنگی؟ وزیرخزانہ محمد اورنگزیب

وفاقی وزیر خزانہ محمد اورنگزیب کہتے ہیں اس بارے میں کچھ نہیں کہہ سکتاکہ بجلی سستی ہوگی یا مہنگی؟

قومی اسمبلی کی قائمہ کمیٹی برائے خزانہ کے اجلاس میں بجلی پر سبسڈی ختم ہونے کے حوالے سے سوال پرمحمد اورنگزیب نے کہا کہ وزیراعظم شہبازشریف اور وزیرتوانائی اویس لغاری مسلسل اس پر کام کررہے ہیں، آئندہ دنوں میں بجلی سبسڈی پر مزید بات چیت ہوگی۔

بجلی کے سستی یامہنگی ہونے کے حوالے سے سوال پروزیر خزانہ نے واضح جواب دینے سے گریز کرتے ہوئے کہا کہ اس بارے میں کچھ نہیں کہہ سکتا۔انہوں نے کہا کہ  آئی ایم ایف بورڈ کا اجلاس جمعے کو ہوگا، ہمارے اہداف پورے ہیں، قرض منظوری آئی ایم ایف بورڈ پر منحصر ہے۔