سوزوکی نے پاکستان میں اپنی نئی گاڑی متعارف کرا دی

پاکستان میں کراس اوور گاڑیوں کے بڑھتے ہوئے رجحان کے باعث سوزوکی نے اپنی نئی بی-سیگمنٹ کراس اوور ‘فرونکس’ کے چار مختلف ویرینٹس پیش کیے ہیں۔ ان ویرینٹس میں پٹرول اور مائلڈ ہائبرڈ ٹیکنالوجی کے حامل ماڈلز شامل ہیں، جن کی قیمتیں 59 لاکھ 99 ہزار سے شروع ہو کر 63 لاکھ 74 ہزار روپے تک جاتی ہیں۔ پاکستانی مارکیٹ میں اس گاڑی کا براہِ راست مقابلہ کِیا اسٹونک، ہنڈا HR-V اور جیکو J5 جیسی مقبول گاڑیوں سے ہوگا۔ اب دیکھنا یہ ہے کہ کیا اپنی جدید خصوصیات اور برانڈ ویلیو کی بنیاد پر سوزوکی فرونکس دیگر حریف کمپنیوں پر سبقت لے پائے گی یا نہیں۔