ملک بھرکے بجلی صارفین کو بڑا ریلیف ملنے کا امکان

بجلی کی تقسیم کار کمپنیوں (ڈسکوز) نے کیلنڈر سال 2026 کی پہلی سہ ماہی (جنوری تا مارچ) کی ایڈجسٹمنٹ کے لیے نیپرا میں درخواست جمع کرا دی ہے، جس کے تحت صارفین کو مجموعی طور پر 63 ارب 94 کروڑ روپے کا ریلیف ملنے کا امکان ہے۔ درخواست میں کیپسٹی چارجز، سسٹم کے استعمال کے چارجز اور مارکیٹ آپریشن فیس میں نمایاں کمی کا ذکر کیا گیا ہے۔ نیشنل الیکٹرک پاور ریگولیٹری اتھارٹی (نیپرا) اس درخواست پر 19 مئی کو سماعت کرے گی، جس کے بعد صارفین کو ریلیف کی فراہمی کا حتمی فیصلہ کیا جائے گا۔