گوادر بندرگاہ پر مئی کا پہلا ٹرانس شپمنٹ کارگو جہاز لنگر انداز

وفاقی وزیر برائے بحری امور جنید انوار چوہدری کے مطابق، مئی کا پہلا ٹرانس شپمنٹ کارگو جہاز ‘ایم وی شو لانگ’ (MV Shu Long) گوادر بندرگاہ پر لنگر انداز ہو گیا ہے۔ اس جہاز میں 16 ہزار 77 میٹرک ٹن کارگو موجود ہے، جسے خطے کی موجودہ صورتحال کے پیشِ نظر گوادر کی جانب موڑا گیا ہے۔ وفاقی وزیر نے بتایا کہ بندرگاہ پر برتھنگ اور کارگو ہینڈلنگ کا عمل تیزی سے جاری ہے اور گوادر اب متبادل تجارتی روٹس میں ایک اہم مقام حاصل کر رہا ہے۔ واضح رہے کہ اپریل کے مہینے میں بھی گوادر بندرگاہ پر 4 ٹرانس شپمنٹ جہازوں کی آمد ریکارڈ کی گئی تھی۔