ثناء یوسف قتل کیس: ٹرائل دوسری عدالت منتقلی کی درخواست مسترد کرنے کا تحریری فیصلہ جاری

اسلام آباد ہائی کورٹ کے چیف جسٹس سرفراز ڈوگر نے ٹک ٹاکر ثناء یوسف قتل کیس کا ٹرائل دوسری عدالت منتقل کرنے کی درخواست پر تفصیلی فیصلہ جاری کر دیا ہے۔ عدالتِ عالیہ نے ملزم عمر حیات کی جانب سے ٹرائل کورٹ کے جج پر لگائے گئے جانبداری اور بدتمیزی کے الزامات کو بے بنیاد قرار دیتے ہوئے مسترد کر دیا ہے۔ تحریری فیصلے میں کہا گیا ہے کہ کیس کا ٹرائل ایڈیشنل سیشن جج ویسٹ کی عدالت میں ہی جاری رہے گا۔ عدالت نے قرار دیا کہ بار بار التواء مانگنا انصاف کی فراہمی میں رکاوٹ ہے اور ملزم کی جانب سے جج کے خلاف استعمال کی گئی زبان غیر مناسب اور عدلیہ کے وقار کے منافی ہے۔