پاکستان میں اپنی نوعیت کا پہلا تھیم پارک اسلام آباد میں بنے گا

وفاقی دارالحکومت اسلام آباد میں پاکستان کے اپنی نوعیت کے پہلے جدید تھیم پارک کے قیام کے لیے تاریخی پیش رفت سامنے آئی ہے، جس کی تعمیر کے لیے سعودی عرب کے سرمایہ کار بھاری سرمایہ کاری کریں گے۔

لاہور کے تاریخی قذافی اسٹیڈیم میں منعقدہ تقریب کے دوران اس منصوبے کی مفاہمتی یادداشت (MoU) پر باقاعدہ دستخط کیے گئے۔ تقریب میں وفاقی وزیر داخلہ و چیئرمین پاکستان کرکٹ بورڈ محسن نقوی نے بطور مہمانِ خصوصی شرکت کی۔ معاہدے پر سعودی پاکستان بزنس کونسل کے چیئرمین شہزادہ منصور بن محمد السعود اور کیپٹل ڈویلپمنٹ اتھارٹی (CDA) کے چیئرمین سہیل اشرف نے دستخط کیے۔ اس معاہدے کے تحت سعودی سرمایہ کار منصوبے کے لیے تمام مالی وسائل فراہم کریں گے، جبکہ سی ڈی اے اسلام آباد میں مناسب اراضی مہیا کرے گا۔

اس موقع پر گفتگو کرتے ہوئے وفاقی وزیر داخلہ محسن نقوی نے سعودی وفد کا خیرمقدم کیا اور کہا کہ اسلام آباد کے انفراسٹرکچر کو دنیا کے جدید ترین شہروں کے خطوط پر استوار کیا جا رہا ہے، جس میں یہ تھیم پارک ایک ‘گیم چینجر’ ثابت ہوگا۔ انہوں نے مزید اعلان کیا کہ سعودی سرمایہ کاروں کو مکمل سہولیات فراہم کی جائیں گی اور جلد سعودی عرب میں پاکستان کے رئیل اسٹیٹ سیکٹر سے متعلق روڈ شو کا انعقاد بھی کیا جائے گا۔ شہزادہ منصور بن محمد السعود نے بھی پاکستان اور خاص طور پر اسلام آباد میں سرمایہ کاری کے وسیع مواقع کو سراہا۔

پاکستان میں اپنی نوعیت کا پہلا تھیم پارک اسلام آباد میں بنے گا

Web Desk

متعلقہ عنوانات

ایل پی جی کے 2 جہاز پاکستان پہنچ گئے، قیمتوں میں کمی کا امکان

ایس آئی ایف سی کی معاونت سے پاکستانی ڈیری سیکٹر میں اہم پیشرفت

کراچی: بچوں کی اینیمیٹڈ پورنوگرافی کے ملزمان سے تفتیش میں اہم انکشافات

ملک میں جیٹ فیول، لائٹ ڈیزل آئل اور مٹی کا تیل بھی مہنگا کردیا گیا

پاکستان ہر موقع پر کشمیریوں کے ساتھ کھڑا، حفاظت کر رہا ہے: فاروق عبداللہ

غزہ کی اسلامی یونیورسٹی پر اسرائیلی حملہ، 3 افراد جاں بحق، 8 زخمی

سعودی عرب میں دو بیلسٹک میزائل حملے ناکام، ملبہ گرنے سے دو افراد زخمی