سوشل میڈیا پلیٹ فارمز پاکستان میں رجسٹریشن کو تیار نہیں، پی ٹی اے حکام

پی ٹی اے حکام نے سینیٹ کی قائمہ کمیٹی برائے آئی ٹی کو آگاہ کیا ہے کہ فیس بک، انسٹاگرام اور یوٹیوب سمیت عالمی سوشل میڈیا پلیٹ فارمز پاکستان میں رجسٹریشن کروانے اور دفاتر کھولنے کے لیے تیار نہیں ہیں۔ رپورٹ کے مطابق، ان کمپنیوں نے پاکستان میں دفاتر نہ کھولنے کی سب سے بڑی وجہ فوجداری مقدمات کا خوف قرار دیا ہے۔ اس کے علاوہ، ریگولیٹری وضاحت کا فقدان اور ملک کے موجودہ کاروباری حالات بھی ان کمپنیوں کے عدم تعاون کی بنیادی وجوہات ہیں۔ کمیٹی کو یہ بھی بتایا گیا کہ وزیر دفاع کی اسرائیل سے متعلق حذف شدہ ٹویٹ (X) کی بحالی کے حوالے سے تاحال کوئی درخواست موصول نہیں ہوئی، اس لیے اس معاملے پر کوئی کارروائی نہیں کی گئی۔