اے آئی بوٹس کے ذریعے سائبر حملوں میں اضافے کا انکشاف!

سائبر سیکیورٹی کی معروف کمپنی ‘تھیلیز’ کی 2026 کی ‘بیڈ بوٹ رپورٹ’ میں انکشاف کیا گیا ہے کہ مصنوعی ذہانت سے لیس بوٹس کے ذریعے کیے جانے والے سائبر حملوں میں ایک سال کے دوران 10 گنا سے زائد اضافہ ہوا ہے۔ رپورٹ کے مطابق، روزانہ ہونے والے ان حملوں کی تعداد 20 لاکھ سے بڑھ کر 2 کروڑ 50 لاکھ تک پہنچ گئی ہے۔ ماہرین کا کہنا ہے کہ 2025 وہ سال تھا جب اے آئی اور آٹومیشن انٹرنیٹ کے بنیادی ڈھانچے کا حصہ بن گئے، جس سے سائبر مجرموں کے لیے حملے کرنا آسان اور تیز تر ہو گیا ہے۔ یہ حملے ریٹیل، تعلیم، حکومت اور کاروباری شعبوں سمیت ہر صنعت کو نشانہ بنا رہے ہیں، جو اس بات کی علامت ہے کہ اب کوئی بھی شعبہ ان خودکار حملوں سے محفوظ نہیں رہا۔