امریکی مرکزی بینک نے مانیٹری پالیسی کا اعلان کر دیا،شرحِ سود برقرار

کراچی: امریکی شرحِ سود برقرار رکھنے کے فیصلے پر فیڈرل اوپن مارکیٹ کمیٹی کے اندر غیر معمولی اختلاف سامنے آیا ہے۔

امریکی خبر رساں ادارے کے مطابق بارہ رکنی کمیٹی کے چار ارکان نے شرحِ سود میں استحکام کی مخالفت کی، جبکہ اکتوبر انیس سو بانوے کے بعد یہ سب سے زیادہ اختلافی فیصلہ قرار دیا جا رہا ہے۔

ذرائع کے مطابق فیڈرل ریزرو کے موجودہ سربراہ جیروم پاول پندرہ مئی کو اپنے عہدے سے سبکدوش ہوں گے۔

دوسری جانب امریکی سینیٹ کی بینکنگ کمیٹی نے صدر ڈونلڈ ٹرمپ کے نامزد کیون وارش کی بطور چیئرمین فیڈرل ریزرو منظوری دے دی ہے۔

ماہرین کے مطابق نئی قیادت کی آمد کے بعد امریکی مالیاتی پالیسی میں اہم تبدیلیوں کا امکان ظاہر کیا جا رہا ہے۔