آبنائے ہرمز میں جہازوں پر عائد فیس سے حاصل پہلی آمدنی سینٹرل بینک میں جمع کرادی گئی،ایران

ایرانی پارلیمنٹ کے ڈپٹی اسپیکر حمید رضا حاجی بابائی نے کہا ہے کہ آبنائے ہرمز سے گزرنے والے جہازوں پر عائد فیس سے حاصل ہونے والی پہلی آمدن  مرکزی بینک کے اکاؤنٹ میں منتقل کر دی گئی ہے۔

گزشتہ ماہ ایرانی پارلیمنٹ کی سیکیورٹی کمیٹی نے اس اہم آبی گزرگاہ سے گزرنے والے جہازوں پر فیس عائد کرنے کے منصوبے کی منظوری دی تھی۔

28فروری کو ایران جنگ کے آغاز کے بعد سے ایران نے آبنائے ہرمز میں جہازوں کی آمد و رفت پر پابندیاں مزید سخت کر دی ہیں۔

امریکی نشریاتی ادارے سی این این نے ایک سینئر ایرانی عہدیدار کے حوالے سے رپورٹ کیا کہ تہران ان جہازوں کو ترجیح دے گا جو فیس ادا کریں گے۔ جو جہاز فیس ادا نہیں کریں گے انہیں  آبنائے ہرمز سے نہیں گزرنے دیا جائے گا۔