گوگل کا جیمنائی مزید سمارٹ، خودکار تصاویر بنانے کا نیا فیچر متعارف

گوگل نے اپنے آرٹیفیشل انٹیلی جنس پلیٹ فارم ‘جیمنائی’ میں ایک انقلابی فیچر متعارف کرایا ہے، جو “نانو بنانا 2” (Gemini 3 Flash Image) ٹیکنالوجی کے ذریعے صارفین کو ان کی ذاتی ترجیحات اور ماضی کے ڈیٹا کی بنیاد پر تصاویر تیار کرنے کی سہولت فراہم کرتا ہے۔

اس نئے فیچر کی سب سے بڑی خصوصیت یہ ہے کہ اب صارفین کو پیچیدہ یا تفصیلی پرومپٹس (ہدایات) لکھنے کی ضرورت نہیں ہوگی۔ یہ سسٹم گوگل فوٹوز اور دیگر سروسز سے صارف کی پسند، خاندان کے افراد اور اہم یادگاروں کا ڈیٹا خودکار طور پر سمجھنے کی صلاحیت رکھتا ہے۔ مثال کے طور پر، محض “میرے خاندان کی پکنک کی تصویر بنائیں” کہنے پر جیمنائی صارف کے حقیقی خاندانی تناظر کو مدنظر رکھتے ہوئے تصویر تخلیق کر سکے گا۔

کمپنی نے شفافیت کو یقینی بنانے کے لیے ہر تصویر کے ساتھ “سورس” بٹن بھی دیا ہے، تاکہ صارفین کو معلوم ہو سکے کہ اے آئی نے کن عوامل کو مدنظر رکھ کر یہ تصویر بنائی۔ یہ فیچر فی الوقت جیمنائی پلس، پرو اور الٹرا صارفین کے لیے امریکہ میں دستیاب ہے، جسے جلد ہی دیگر ممالک اور ڈیسک ٹاپ ورژن کے لیے بھی جاری کیا جائے گا۔