فضیلہ عباسی کی عبوری ضمانت میں توسیع، گرفتاری سے روک دیا گیا
Web Desk
15 April 2026
معروف اداکار حمزہ علی عباسی کی بہن اور ماہرِ امراضِ جلد ڈاکٹر فضیلہ عباسی کے خلاف منی لانڈرنگ کیس میں اسلام آباد کی اسپیشل جج سینٹرل کی عدالت نے عبوری ضمانت میں 20 اپریل تک توسیع کر دی ہے۔ کیس کی سماعت جج ہمایوں دلاور نے کی، جس کے دوران وفاقی تحقیقاتی ادارے (FIA) نے مقدمے کا چالان عدالت میں جمع کروا دیا۔ سماعت کے موقع پر ڈاکٹر فضیلہ عباسی کی جانب سے اپنے بھائی حمزہ علی عباسی کے ساتھ منجمد شدہ جوائنٹ بینک اکاؤنٹ کو دوبارہ فعال کرنے کی درخواست بھی دائر کی گئی۔
سماعت کے دوران استغاثہ نے اعتراض اٹھایا کہ ملزمہ نے تحریری جواب تو جمع کرایا ہے لیکن وہ خود پیش نہیں ہوئیں، جس پر ڈاکٹر فضیلہ عباسی نے براہِ راست عدالت کو بتایا کہ وہ پہلے بھی کئی بار پیش ہو چکی ہیں۔ اس موقع پر ان کے وکیل نعیم بخاری نے اپنی موکلہ کو عدالتی آداب کے پیشِ نظر خاموش رہنے کی ہدایت کی اور موقف اپنایا کہ ہائیکورٹ بھی واضح کر چکی ہے کہ ضمانت کے غلط استعمال کا تاثر درست نہیں۔ جج ہمایوں دلاور نے ریمارکس دیے کہ ہائیکورٹ کی ہدایات کی روشنی میں فیصلہ کیا جائے گا، تاہم ملزمہ کا شاملِ تفتیش ہونا قانونی ضرورت ہے۔
عدالت نے ڈاکٹر فضیلہ عباسی کو ہدایت کی کہ وہ آج ہی ایف آئی اے کی تفتیش کا حصہ بنیں اور ان کی گرفتاری سے 20 اپریل تک روک دیا۔ واضح رہے کہ ایف آئی اے نے تحقیقات کے سلسلے میں حمزہ علی عباسی اور ڈاکٹر فضیلہ عباسی کا مشترکہ بینک اکاؤنٹ پہلے ہی منجمد کر رکھا ہے۔ کیس کی مزید سماعت اب 20 اپریل کو ہوگی، جہاں تفتیشی رپورٹ کی روشنی میں ضمانت کی توثیق یا منسوخی پر بحث متوقع ہے۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026