بحری ناکہ بندی کا امریکی فیصلہ غیرقانونی اور اشتعال انگیز، ایرانی سفیررضاامیری

پاکستان میں ایران کے سفیر رضا امیری مقدم کا کہنا ہے کہ امریکا کی جانب سے بحری ناکہ بندی قائم کرنے کا غیر قانونی، اشتعال انگیز اور غیر تعمیری فیصلہ ایک غیر ذمہ دارانہ قدم ہے۔

سوشل میڈیاپر جاری بیان میں ایرانی سفیر کاکہنا تھا کہ اس اقدام کا مقصد یہ تاثر پیدا کرنا ہے کہ معاملات طاقت کے ذریعے مسلط کیے جا رہے ہیں تاکہ اسلحے کی تعیناتی، سخت بیانات، جانی نقصان اور امریکی ٹیکس دہندگان پر پڑنے والے مالی بوجھ کو جواز فراہم کیا جا سکے۔

ان کا مزید کہنا تھا کہ یہ غلط اندازہ خطے اور اس سے باہر کے ممالک کے لیے سنگین نتائج کا باعث بن سکتاہے۔

بیان میں اس اقدام کو معاشی دہشت گردی قرار دیتے ہوئے کہا گیا کہ یہ لوگوں کے معاش، عالمی امن، سلامتی اور استحکام کو خطرے میں ڈال کر چند مخصوص مفادات کی تکمیل کے لیے کیا جا رہا ہے۔