عالمی سفارت کاری کا مرکز اسلام آباد: ایران امریکہ مذاکرات کے لیے ریڈ زون سیل

اسلام آباد پھر عالمی مرکز نگاہ بن گیا۔۔ ایران امریکا مذاکرات کی میزبانی کے لیے پاکستان نے تیاریاں مکمل کر لی ہیں۔۔ ایران امریکا مذاکرات کے پیش نظر اسلام آباد کو سیکیورٹی زون میں تبدیل کردیا گیا ہے۔اسلام آباد میں بیس ہزار سے زائد سیکیورٹی اہلکار تعینات ہیں۔۔ پنجاب پولیس کی اضافی نفری بھی طلب کر لی گئی ہے۔۔ ریڈ زون اور توسیعی ریڈ زون میں غیر متعلقہ افراد کا داخلہ ممنوع ہے۔۔ انتظامیہ نے سرینا اور میریٹ ہوٹلز کو غیر ملکی وفود کے قیام کے لیے مکمل طور پر خالی کرالیا ہے۔۔ اسلام آباد ریڈ زون میں واقع تمام وزارتیں، ڈویژنز اور وفاقی ادارے آج بھی ورک فرام ہوم کررہے ہیں ۔کابینہ ڈویژن کے نوٹیفکیشن کے مطابق تمام افسران اور عملے کو شہر میں موجود اور تیار رہنے کی ہدایت کی گئی ہے۔ وفاقی آئینی عدالت میں آج بھی عدالتی کام معطل رہے گا۔۔ وفاقی آئینی عدالت کے اعلامیے کے مطابق ریڈ زون کی بندش کے باعث اسلام آباد میں سماعتیں نہیں ہوں گی۔۔ چیف جسٹس وفاقی آئینی عدالت کی ہدایت پر ایک روزہ عدالتی تعطیل ہوگی۔۔ وفاقی آئینی عدالت کی اکیس اپریل کی کاز لسٹ منسوخ کر دی گئی۔۔ عدالتی عملہ گھروں سے کام جاری رکھے گا،عدالتی افسران اپنی تعیناتیوں پر موجود رہیں گے۔۔ برانچ رجسٹریاں عدالتی و انتظامی امور کے لیے کھلی رہیں گی۔۔ اسلام آباد ہائیکورٹ بھی آج بند رکھنےکا فیصلہ کیا گیا ہے۔۔ رجسٹرار  اسلام آباد ہائیکورٹ کے مطابق ریڈزون کی بندش کی وجہ سے ہائی کورٹ بند رکھنےکا فیصلہ کیاگیا۔ ہیوی اور پبلک ٹرانسپورٹ تاحکم ثانی معطل ہے۔۔ میٹرو بس سروس پمز اسٹیشن سے پاک سیکرٹریٹ تک بند کر دی گئی ہے۔