معاشی محاذ پر بڑی کامیابی: پاکستان نے 1.43 ارب ڈالر کی بیرونی ادائیگیاں وقت سے پہلے مکمل کر لیں

اسٹیٹ بینک آف پاکستان نے اعلان کیا ہے کہ پاکستان نے بین الاقوامی بانڈز کی مد میں 1.43 ارب ڈالر کی اہم بیرونی ادائیگیاں کامیابی سے مکمل کر لی ہیں۔ مرکزی بینک کے جاری کردہ اعلامیے کے مطابق، یہ ادائیگیاں 8 اپریل کو واجب الادا تھیں، تاہم پاکستان نے اپنی مالیاتی ذمہ داریوں کا ثبوت دیتے ہوئے یہ رقم ایک روز قبل یعنی 7 اپریل کو ہی ادا کر دی ہے۔ اس ادائیگی میں 1 ارب 30 کروڑ ڈالر بطور اصل زر (Principal Amount) شامل ہیں، جبکہ 14 کروڑ 30 لاکھ ڈالر سود کی مد میں ادا کیے گئے ہیں۔

معاشی ماہرین کے مطابق، مقررہ وقت سے پہلے اتنی بڑی رقم کی ادائیگی عالمی منڈیوں اور مالیاتی اداروں میں پاکستان کے ساکھ کو مزید مستحکم کرے گی اور یہ اس بات کی علامت ہے کہ ملک کے زرمبادلہ کے ذخائر اور بیرونی قرضوں کے انتظام کی صورتحال بہتر ہو رہی ہے۔ اسٹیٹ بینک کے اس اقدام کو ملکی معیشت پر سرمایہ کاروں کے اعتماد کی بحالی اور ڈیفالٹ کے خطرات کے مکمل خاتمے کی جانب ایک اہم سنگ میل قرار دیا جا رہا ہے۔