جنگ میں ہونے والے نقصان کا ہرجانہ دیاجائے، ایران کا عرب ممالک سے مطالبہ

اقوام متحدہ میں ایران کے سفیر اور مستقل نمائندے امیر سعید ایروانی نے عرب ممالک پر  امریکا اور اسرائیل کی معاونت کرنے کا الزام عائد کرتے ہوئے انہیں جوابدہ ٹھہرانے کا مطالبہ دہرا دیا۔

ایرانی میڈیا کے مطابق ایرانی سفیر  نے یہ بات اقوام متحدہ کے سکریٹری جنرل اور سلامتی کونسل کے صدر کو بھیجے گئے ایک خط میں کہی۔ یہ خط6 عرب ممالک قطر، بحرین، متحدہ عرب امارات، سعودی عرب، کویت اور اردن کی جانب سے ایران کے خلاف بھیجے گئے خطوط کے ردعمل میں تحریر کیا گیا۔

ایرانی سفیر نے خط میں کہا کہ خلیج فارس سے ملحق ممالک پر لازم ہے کہ وہ ایران کو مکمل ہرجانہ ادا کریں جس میں ان کے اقدامات کے باعث ہونے والے تمام نقصانات کا ازالہ شامل ہو۔