احتساب عدالت کا بڑا فیصلہ؛ ملک ریاض اور ان کے بیٹوں کے ناقابلِ ضمانت وارنٹ گرفتاری جاری

کراچی کی احتساب عدالت نمبر 3 نے نیب ریفرنس کی سماعت کے دوران ملک ریاض، ان کے بیٹے علی ریاض اور زین ملک سمیت تمام مفرور ملزمان کو اشتہاری قرار دیتے ہوئے ان کے تاحیات (دائمی) ناقابلِ ضمانت وارنٹ گرفتاری جاری کر دیے ہیں۔ عدالت نے نیب کو حکم دیا ہے کہ ملزمان کو فوری طور پر گرفتار کر کے عدالت میں پیش کیا جائے۔ یہ فیصلہ ملزمان کی عدالت میں مسلسل عدم پیشی اور قانونی کارروائی سے بچنے کی کوششوں کے بعد سامنے آیا ہے۔ عدالت نے نہ صرف ملک ریاض کے خاندان بلکہ ان کے ساتھ ملوث دیگر سرکاری و غیر سرکاری افراد کے خلاف بھی دائمی وارنٹ جاری کیے ہیں، جس کے بعد اس کیس میں عدالتی کارروائی مزید تیز ہو گئی ہے۔