قانون سے کوئی بالاتر نہیں ، ون کانسٹیٹوشن ایونیو کو لیز پر لینے والی کمپنی نے قوانین توڑے ، طلال چوہدری

وزیر مملکت داخلہ طلال چوہدری نے واضح کیا ہے کہ قانون سے بالاتر کوئی نہیں اور ون کانسٹیٹیوشن ایونیو کی لیز حاصل کرنے والی کمپنی نے قواعد و ضوابط کی سنگین خلاف ورزی کی ہے۔ پریس کانفرنس میں انہوں نے انکشاف کیا کہ تین بڑی کمپنیوں نے یہ جگہ ہوٹل کی تعمیر کے لیے لیز پر لی تھی، لیکن وہاں غیر قانونی طور پر اپارٹمنٹس کا اشتہار دیا گیا جبکہ عدالت نے اس سے منع کر رکھا تھا۔ انہوں نے بتایا کہ پلاٹ کی بنیاد پر بینک آف پنجاب سے قرض لیا گیا اور اقساط جمع نہ کروانے پر گروپ ڈیفالٹ ہو گیا۔ طلال چوہدری کے مطابق، سی ڈی اے نے 2016 میں لیز منسوخ کر کے بلڈنگ کا کنٹرول سنبھال لیا تھا اور اب حکومت بلا تفریق تجاوزات کے خلاف کارروائی کر رہی ہے۔