وفاق نے خیبرپختونخوا کو تجربہ گاہ بنایا ہوا، اب مزید نہیں چلے گا: سہیل آفریدی

وزیراعلیٰ خیبرپختونخوا سہیل آفریدی نے وفاق پر صوبے کے وسائل ہڑپ کرنے کا الزام عائد کرتے ہوئے کہا ہے کہ خیبرپختونخوا کو ہمیشہ سے ایک تجربہ گاہ سمجھا گیا ہے، لیکن اب یہ سلسلہ ختم کرنا ہوگا۔ پشاور میں خطاب کرتے ہوئے انہوں نے کہا کہ این ایف سی (NFC) کا شیئر غیر قانونی طریقے سے تقسیم کیا جا رہا ہے اور صوبے کا سالانہ 500 ارب روپیہ ضائع کیا جا رہا ہے۔ انہوں نے چیلنج کیا کہ اگر ان پر ایک روپے کی کرپشن ثابت ہو گئی تو وہ فوری استعفیٰ دے دیں گے۔ سہیل آفریدی نے بجلی اور گیس کی تقسیم میں پنجاب کے مقابلے میں خیبرپختونخوا کے ساتھ ہونے والے امتیازی سلوک پر بھی شدید احتجاج کیا۔