چائلڈ اسٹار عریشہ رضی نے شوہر اور بیٹے کے ساتھ عمرے کی سعادت حاصل کرلی

پاکستانی ڈرامہ انڈسٹری کی سابقہ چائلڈ اسٹار عریشہ رضی نے اپنے شوہر عبداللہ فرخ اور بیٹے کے ساتھ عمرے کی سعادت حاصل کرلی۔ عریشہ رضی کئی سال قبل “میرے پاس پاس” جیسے معروف ڈرامے میں نادیہ جمیل، معمر رانا اور دیپک پروانی کے ساتھ اپنی شاندار اداکاری کے باعث مقبول ہوئیں۔

اس کے بعد انہوں نے “تھوڑی سی وفا” سمیت مختلف ڈراموں، کمرشلز اور ٹی وی سیریلز میں بھی کام کیا، اور کم عمری میں بہترین اداکارہ کے طور پر پہچان بنائی۔ تاہم وہ گزشتہ کچھ عرصے سے اسکرین سے دور ہیں۔

عریشہ رضی چند سال قبل رشتۂ ازدواج میں بندھنے کے بعد بیرونِ ملک منتقل ہوگئیں، جہاں ان کے ہاں بیٹے کی پیدائش ہوئی۔ عمرے کی ادائیگی کے دوران شیئر کی گئی تصاویر پر مداحوں نے انہیں نیک خواہشات کا پیغام دیا۔