حکومت کا بیرونِ ملک سے آنے والی فون کالز کو ریگولیٹ کرنے کا فیصلہ

حکومتِ پاکستان نے بیرونِ ملک سے آنے والی فون کالز کو باقاعدہ ریگولیٹ کرنے کا فیصلہ کر لیا ہے، جس کا مقصد قومی آمدن میں اضافہ، شفافیت اور سیکیورٹی نظام کو مزید مؤثر بنانا ہے۔ وزارتِ آئی ٹی کے ذرائع کے مطابق، پاکستان ٹیلی کمیونیکیشن اتھارٹی (PTA) کو اس حوالے سے پالیسی ڈائریکشن جاری کر دی گئی ہے، جس کے تحت انٹرنیشنل لانگ ڈسٹنس (LDI) کالز پر نگرانی سخت کی جائے گی۔ اس نئے ریگولیشن سسٹم کے لیے متعلقہ کمپنیوں اور اداروں کے ساتھ مشاورت کا عمل آخری مراحل میں ہے، جس کی تکمیل کے بعد پی ٹی اے انٹرنیشنل ٹیلی کام ٹریفک پر کنٹرول سخت کرنے کی باقاعدہ منظوری دے گی۔ حکام کا ماننا ہے کہ اس اقدام سے نہ صرف کالز کے نظام میں چیک اینڈ بیلنس بہتر ہوگا بلکہ مقامی آپریٹرز اور ایل ڈی آئی کمپنیوں کا کردار بڑھنے سے ریونیو کے ضیاع کو روکنے میں بھی مدد ملے گی۔