اے آئی اب صرف آواز سن کر کینسر کی نشاندہی کر سکتا ہے

مصنوعی ذہانت (AI) کے شعبے میں ہونے والی ایک نئی سائنسی تحقیق میں انکشاف ہوا ہے کہ اے آئی انسانی آواز میں چھپے ان باریک اشاروں کو شناخت کرنے کی صلاحیت رکھتی ہے جو گلے کے کینسر (وائس باکس کینسر) کی ابتدائی علامات ہو سکتے ہیں۔ امریکی ماہرین کی ٹیم نے ‘بریج ٹو اے آئی وائس’ منصوبے کے تحت ہزاروں آوازوں کی ریکارڈنگز کا تجزیہ کیا، جس میں آواز کی پچ، شدت اور شور کے تناسب (Harmonic-to-Noise Ratio) میں ہونے والی معمولی تبدیلیوں کا باریک بینی سے جائزہ لیا گیا۔ تحقیق کے مطابق یہ ٹیکنالوجی خاص طور پر مردوں میں ابتدائی رسولیوں کی نشاندہی میں معاون ثابت ہو سکتی ہے، تاہم خواتین کے ڈیٹا پر مزید تحقیق جاری ہے۔ ماہرین کا ماننا ہے کہ یہ پیش رفت مستقبل میں اینڈوسکوپی اور بایوپسی جیسے تکلیف دہ تشخیصی طریقوں کا متبادل بن سکتی ہے، جس سے نہ صرف کینسر کی بروقت تشخیص ممکن ہوگی بلکہ علاج کے نتائج میں بھی نمایاں بہتری آئے گی۔