برف پانی پر کیوں تیرتی ہے؟ دیرینہ معمہ حل ہوگیا!

اسٹاک ہوم: سویڈن کی اسٹاک ہوم یونیورسٹی کے محققین نے ایک ایسی سائنسی پیش رفت کی ہے جو پانی کے بارے میں ہماری بنیادی سمجھ کو بدل سکتی ہے۔ ماہرین نے بالآخر اس راز سے پردہ اٹھا دیا ہے کہ پانی 39 ڈگری فارن ہائیٹ (4 ڈگری سیلسیس) سے نیچے ٹھنڈا ہونے پر سکڑنے کے بجائے پھیلنے کیوں لگتا ہے اور برف پانی پر کیوں تیرتی ہے۔

پروفیسر ڈاکٹر اینڈرز نیلسن کی سربراہی میں کام کرنے والی ٹیم نے ایکس رے لیزرز کی مدد سے انتہائی کم درجہ حرارت یعنی منفی 81 ڈگری فارن ہائیٹ (منفی 63 ڈگری سیلسیس) اور شدید دباؤ پر ایک پوشیدہ ’لیکویڈ-لیکویڈ کریٹیکل پوائنٹ‘ دریافت کیا ہے۔ یہ وہ مقام ہے جہاں پانی دو مختلف مائع حالتوں کے درمیان تبدیل ہوتا ہے، جس کی وجہ سے اس کی کثافت (Density) کم ہو جاتی ہے اور وہ پھیلنے لگتا ہے۔

ڈاکٹر نیلسن کے مطابق، یہ مشاہدہ برف جمنے سے پہلے کی اس ‘ناقابلِ تصور رفتار’ پر کیا گیا جہاں مائع کی ایک نئی حالت (Critical State) ابھرتی ہے۔ یہ دریافت نہ صرف طبیعیات کے بنیادی اصولوں کو سمجھنے میں مدد دے گی بلکہ اس سے یہ بھی واضح ہوتا ہے کہ سرد موسم میں جھیلوں اور سمندروں کے اوپر برف کی تہہ کیوں بنتی ہے جو نیچے موجود آبی زندگی کو تحفظ فراہم کرتی ہے۔