آزاد کشمیر اور گگلت بلتستان میں فائیو جی آکشن جلد شروع ہوگا

اسلام آباد: پاکستان میں فائیو جی (5G) سپیکٹرم کے کامیاب پہلے مرحلے کے بعد اب وفاقی حکومت نے اس جدید ٹیکنالوجی کا دائرہ کار آزاد کشمیر اور گلگت بلتستان تک پھیلانے کا فیصلہ کیا ہے۔ ذرائع کے مطابق، وزارت انفارمیشن ٹیکنالوجی و ٹیلی کام اگلے ایک سے دو ہفتوں کے دوران اس حوالے سے باقاعدہ ‘پالیسی ڈائریکٹو’ جاری کر دے گی، جس کے بعد آزاد کشمیر میں 5G کے ابتدائی ٹرائلز کا آغاز کیا جائے گا۔

ذرائع کا کہنا ہے کہ آزاد کشمیر اور گلگت بلتستان میں سپیکٹرم نیلامی اور فریکوئنسی ایلوکیشن کا عمل طویل نہیں ہوگا اور اسے آئندہ 6 ماہ کے دوران مکمل کر لیا جائے گا۔ اس اہم سپیکٹرم ایکشن میں ملک کی تین بڑی موبائل کمپنیاں— جاز (Jazz)، زونگ (Zong) اور یو فون (Ufone)— حصہ لیں گی، جبکہ فریکوئنسی ایلوکیشن بورڈ (FAB) بینڈز کی تقسیم کے حوالے سے حتمی فیصلہ کرے گا۔

وزارت کی جانب سے پالیسی ڈائریکٹو کے اجراء کے بعد پاکستان ٹیلی کمیونیکیشن اتھارٹی (PTA) ایک کنسلٹنٹ ہائر کرے گی جو اس پورے عمل کی شفافیت اور عمل درآمد کو یقینی بنائے گا۔ اس اقدام سے خطے میں انٹرنیٹ کی رفتار اور ڈیجیٹل خدمات کے معیار میں غیر معمولی بہتری آنے کی توقع ہے، جس سے سیاحت اور تعلیم کے شعبوں کو بھی فروغ ملے گ