نورا فتیحی نے اپنے متنازع گانے پر خاموشی توڑ دی، نیا پنڈورا باکس کھول دیا

کینیڈین نژاد بھارتی اداکارہ و ڈانسر Nora Fatehi نے اپنے متنازع گانے پر خاموشی توڑ دی ہے۔

بھارتی میڈیا کے مطابق اداکار Sanjay Dutt کی نئی فلم KD: The Devil کا گانا Sarke Chunari Teri Sarke یوٹیوب پر ریلیز کیا گیا، جس میں نورا فتیحی نے ڈانس کیا ہے۔ گانا ریلیز ہوتے ہی غیر اخلاقی مناظر اور بول کے باعث شدید تنقید کی زد میں آ گیا۔

نورا فتیحی نے انسٹاگرام پر وضاحت دیتے ہوئے کہا کہ یہ گانا تین سال قبل شوٹ کیا گیا تھا اور اصل میں یہ کرناٹکا زبان کی فلم کا حصہ تھا۔ انہوں نے بتایا کہ انہیں اس گانے کے بول میں کوئی نامناسب چیز نظر نہیں آئی تھی، تاہم بعد میں اسے ہندی میں ترجمہ کیا گیا جس سے وہ لاعلم تھیں اور اس کے لیے ان سے اجازت بھی نہیں لی گئی۔

انہوں نے مزید کہا کہ سنجے دت کے ساتھ ان کی ایک تصویر مصنوعی ذہانت (AI) کے ذریعے بنائی گئی جو ان کی اجازت کے بغیر تھی، جس پر انہوں نے اعتراض کیا ہے۔