بھنورے ایک ہفتے تک پانی میں زندہ رہ سکتے ہیں: تحقیق

ایک نئی سائنسی تحقیق میں انکشاف ہوا ہے کہ ملکہ بھنورے پانی کے اندر ایک ہفتے تک سانس لے کر زندہ رہ سکتی ہیں، جو ماہرین کے لیے حیران کن دریافت ثابت ہوئی ہے۔

یہ حیران کن دریافت ماہر ماحولیات Sabrina Rondeau کو اتفاقاً اس وقت ہوئی جب انہوں نے ایک ریفریجریٹر میں جمے ہوئے برتن میں چار ملکہ بھنوروں کو دیکھا۔ حیرت کی بات یہ تھی کہ چاروں بھنورے زندہ تھیں۔

تحقیق کے مطابق یہ بھنورے “ڈایاپاز” نامی حالت میں تھیں، جو موسم سرما میں ہائبرنیشن جیسی کیفیت ہوتی ہے۔ اس دوران کیڑے مکوڑے اپنی سرگرمیاں کم کر دیتے ہیں تاکہ سخت موسمی حالات میں زندہ رہ سکیں۔

ماضی میں یہ سمجھا جاتا تھا کہ شدید بارش یا سیلاب کی صورت میں جب زمین پانی سے بھر جاتی ہے تو بھنورے ڈوب کر مر جاتے ہیں۔ تاہم نئی تحقیق سے معلوم ہوا ہے کہ ملکہ بھنورے سیلابی پانی میں ڈوب کر بھی تقریباً ایک ہفتے تک زندہ رہ سکتی ہیں۔

اس تحقیق میں Charles Anthony Darveau نے بھی حصہ لیا۔ ان کا کہنا تھا کہ یہ تحقیق ان کی شریک مصنفہ سبرینا رونڈو کے ساتھ ہونے والی ایک سائنسی بحث کے بعد شروع ہوئی تھی۔

ماہرین کے مطابق اس تحقیق سے معلوم ہوتا ہے کہ بھنوروں میں انتہائی مشکل حالات میں زندہ رہنے کی غیر معمولی صلاحیت موجود ہے، جو ماحولیاتی تبدیلیوں کے اثرات کو سمجھنے میں بھی مدد دے سکتی ہے۔