پی ایس ایل 11 میں 2 نئی ٹیمیں فیصل آباد، گلگت شامل ہوگئیں

لاہور : پاکستان سپر لیگ کے 11 ویں ایڈیشن میں ٹیموں کی تعداد 8 ہو گئی ہے اور دو نئی ٹیموں کے نام بھی حتمی طور پر اعلان کر دیے گئے ہیں۔

پی ایس ایل کا سفر 5 ٹیموں سے شروع ہوا اور گزشتہ 10 سال میں یہ لیگ 6 ٹیموں کے ساتھ کامیابی کے ساتھ جاری رہا۔ اب نئی دہائی میں لیگ دو نئی ٹیموں کے اضافے کے ساتھ میدان میں نظر آئے گی، جس سے شائقین کرکٹ کے لیے مزید سنسنی خیز مقابلے متوقع ہیں۔

ابتدائی طور پر نئی ٹیموں کے لیے راولپنڈی، حیدرآباد، سیالکوٹ، فیصل آباد، مظفر آباد اور گلگت کے نام زیر غور تھے، تاہم حتمی فیصلہ کرتے ہوئے پی ایس ایل میں شامل ہونے والی ٹیمیں فیصل آباد اور گلگت منتخب کی گئیں۔

اس کے ساتھ پی ایس ایل میں کراچی کنگز، اسلام آباد یونائیٹڈ، ملتان سلطانز، لاہور قلندرز، کوئٹہ گلیڈیئٹرز اور پشاور زلمی کے ساتھ فیصل آباد اور گلگت کی ٹیمیں بھی میدان میں ہوں گی۔ لیگ کی جانب سے حال ہی میں نیا پرومو جاری کیا گیا، جس میں پی ایس ایل کے گزشتہ 10 سالہ سفر کی جھلکیاں پیش کی گئی ہیں۔