عالمی منڈی میں خام تیل کی قیمتوں میں تیزی، برینٹ تیل 101 ڈالر فی بیرل سے  تجاوز

مشرقِ وسطیٰ میں کشیدگی کے باعث عالمی منڈی میں خام تیل کی قیمتوں میں تیزی دیکھی جا رہی ہے اور قیمتوں میں تقریباً دس فیصد اضافہ ریکارڈ کیا گیا ہے۔

مارکیٹ رپورٹ کے مطابق برینٹ خام تیل کی قیمت 9.29 ڈالر اضافے کے بعد 101.3ڈالر فی بیرل سے تجاوز کر گئی ہے۔

اسی طرح امریکی خام تیل کی قیمت بھی  9.02 ڈالر اضافے کے بعد 96.27 ڈالر فی بیرل تک پہنچ گئی ہے۔

توانائی کے شعبے کے ماہرین کا کہنا ہے کہ امریکا، اسرائیل اور ایران کے درمیان جاری کشیدگی عالمی تیل کی فراہمی کو متاثر کر رہی ہے جس کے باعث قیمتوں میں اضافہ دیکھنے میں آ رہا ہے۔

عالمی توانائی ایجنسی کے مطابق خطے میں بڑھتی ہوئی کشیدگی کے باعث عالمی تیل کی منڈی کو بڑی سپلائی رکاوٹ کا سامنا ہے۔

واضح رہے کہ تیل کی بڑھتی ہوئی قیمتوں کو قابو میں رکھنے کے لیے عالمی توانائی ایجنسی نے 400 ملین بیرل تیل جاری کرنے کا اعلان کیا تھا تاہم اس اعلان کے باوجود خام تیل کی قیمتیں کم نہ ہو سکیں۔