وزیر خزانہ محمد اورنگزیب کا پٹرولیم مصنوعات کی قیمتوں میں مزید اضافے کا عندیہ

سینیٹ کی قائمہ کمیٹی برائے خزانہ کے اجلاس میں وزیر خزانہ محمد اورنگزیب نے پٹرولیم مصنوعات کی قیمتوں میں مزید اضافے کا عندیہ دیا۔ انہوں نے کہا کہ وزیر اعظم کی ہدایات کے مطابق بچت اور کفایت شعاری جاری ہے، مگر آنے والے دنوں میں پٹرولیم مصنوعات کی قیمتوں میں اضافہ متوقع ہے۔

وزیر پٹرولیم ڈویژن نے بتایا کہ پاکستان میں موجود پانچ ریفائنری پلانٹس پرانے ہیں اور سعودی عرب کی جانب سے دی جانے والی کروڈ آئل پر پاکستان کو رعایت مل رہی ہے۔ تاہم، دو تیل کے جہاز آبنائے ہرمز میں پھنسے ہوئے ہیں، جس کے باعث درآمدات متاثر ہو رہی ہیں۔

وزیر پٹرولیم ڈویژن نے مزید بتایا کہ یکم مارچ کو ڈیزل کی قیمت 88 ڈالر فی بیرل تھی جو 6 مارچ کو 149 ڈالر تک پہنچ گئی، جس کے نتیجے میں کارگو کی لاگت پہلے 7 لاکھ ڈالر تھی، اب یہ 70 لاکھ ڈالر تک جا پہنچی ہے۔ ایل پی جی ایران سے آ رہی ہے اور پہلے سے زیادہ مقدار میں دستیاب ہے۔

اس موقع پر فاروق ایچ نائیک نے سوال اٹھایا کہ پٹرولیم مصنوعات میں اضافے سے کس کو فائدہ ہوا؟ انہوں نے کہا کہ پاکستان میں غریب طبقہ 55 روپے اضافے کو برداشت نہیں کر سکتا۔