نادرا کا ڈیٹا ڈارک ویب پر موجود نہیں، ماضی میں لیک ہونے والا ڈیٹا دیگر اداروں سے آیا: حکام

سینیٹ کی قائمہ کمیٹی برائے انفارمیشن ٹیکنالوجی کے اجلاس میں نادرا کے ڈیٹا سکیورٹی سے متعلق اہم سوالات اٹھائے گئے۔

اجلاس کے دوران سینیٹر افنان اللہ نے سوال کیا کہ کیا نادرا کا ڈیٹا ڈارک ویب پر موجود ہے؟ جس پر نادرا حکام نے بتایا کہ نادرا کا ڈیٹا ڈارک ویب پر موجود نہیں ہے۔نادرا حکام کے مطابق ادارے نے سکیورٹی بہتر بنانے کیلئے 1400 فائر والز خرید کر اہم مقامات پر نصب کر دی ہیں۔حکام نے اعتراف کیا کہ ماضی میں کچھ ڈیٹا لیک ہوا تھا، تاہم ان کا کہنا تھا کہ یہ ڈیٹا نادرا کے سسٹم سے لیک نہیں ہوا بلکہ مختلف اداروں سے لیک ہوا تھا۔اجلاس میں نادرا حکام نے مزید بتایا کہ نادرا کے ڈیٹا کو مکمل طور پر محفوظ بنانے کیلئے سکیورٹی اقدامات مزید مضبوط کیے جا رہے ہیں۔