اداکار افضل خان کا دوسری شادی کی خواہش کا اظہار

پاکستانی شوبز انڈسٹری کے سینئر اداکار افضل خان، جو اپنے ڈرامے اور کرداروں کی وجہ سے جان ریمبو کے نام سے مشہور ہیں، نے حال ہی میں ایک پروگرام میں مزاحیہ انداز میں دوسری شادی کی خواہش کا اظہار کیا۔

پروگرام میں افضل خان نے اپنی رخصتی کے وقت کے جذباتی لمحات کو یاد کرتے ہوئے بتایا کہ وہ اس موقع پر واقعی رو پڑے تھے، کیونکہ انہیں اپنی زندگی کے سفر اور محنت پر یقین نہیں آ رہا تھا۔ ان کا کہنا تھا کہ شادی سے پہلے گھر بنانے کے لیے وہ دن رات محنت کرتے رہے، اور یہی جدوجہد انہیں اس لمحے یاد آ گئی۔

اداکار نے بتایا کہ کئی لوگوں نے بعد میں کہا کہ وہ رخصتی کے وقت امیتابھ بچن جیسے لگ رہے تھے، لیکن درحقیقت وہ اپنے محنتی سفر اور زندگی کی جدوجہد پر جذباتی ہو گئے تھے۔

جب پروگرام کے دوران ان سے پوچھا گیا کہ وہ اپنے بارے میں کون سی افواہ پھیلانا چاہیں گے، تو انہوں نے مزاحیہ انداز میں کہا کہ وہ یہ خبر پھیلائیں گے کہ انہوں نے دوسری شادی کرلی ہے۔ افضل خان نے وضاحت کی کہ اسلام میں دوسری شادی کی اجازت موجود ہے، لیکن فی الحال ان کا ایسا کوئی ارادہ نہیں ہے۔

انہوں نے مزید کہا کہ دوسری شادی کی افواہ پھیلا کر لوگوں کا ردِعمل دیکھنا دلچسپ ہوگا، تاہم کیمرے بند کر دیے جائیں اور کسی کو یہ نہ بتایا جائے کہ انہوں نے واقعی دوبارہ شادی کر لی ہے۔