خطے میں کشیدگی کے باعث برٹش ایئرلائن کی پروازیں معطل

مشرقِ وسطیٰ میں بڑھتی ہوئی کشیدہ صورتحال کے باعث برطانوی ایئرلائن نے خطے کے کئی شہروں کے لیے اپنی پروازیں منسوخ کرنے کا اعلان کر دیا ہے۔
ایئرلائن کی جانب سے جاری اعلامیے کے مطابق مسقط، منامہ، دوحہ، دبئی اور تل ابیب کے لیے تمام پروازیں رواں ماہ کے آخر تک منسوخ رکھنے کا فیصلہ کیا گیا ہے۔
ایئرلائن انتظامیہ کے مطابق متاثرہ مسافروں کو رقم کی واپسی یا نئی بکنگ کی سہولت فراہم کی جا رہی ہے، جبکہ مسافروں کو ہدایت کی گئی ہے کہ سفر سے پہلے اپنی پرواز کی تازہ معلومات ضرور حاصل کریں۔