وزیراعظم کا علاقائی و عالمی صورتحال کے تناظر میں اہم اجلاس آج طلب

وزیراعظم شہباز شریف نے علاقائی اور عالمی صورتحال کے پیش نظر آج قومی کفایت شعاری پالیسی کے لیے اہم اجلاس طلب کر لیا ہے۔ اجلاس دوپہر وزیراعظم ہاؤس میں ہوگا جس میں چاروں صوبوں اور گلگت بلتستان کے وزرائے اعلیٰ کے علاوہ وزیراعظم آزاد جموں و کشمیر کو بھی مدعو کیا گیا ہے۔ ذرائع کے مطابق اجلاس میں ملک کی انتظامی اور معاشی صورتحال کا جائزہ لیا جائے گا، صوبوں اور وفاق کے درمیان اتفاق رائے سے قومی کفایت شعاری پالیسی کی منظوری دی جائے گی اور عوام کو ریلیف فراہم کرنے کے لیے مشترکہ لائحہ عمل تیار کیا جائے گا۔ اجلاس میں معاشی اقدامات، عوام پر بوجھ کم کرنے کے اقدامات، اور سرکاری دفاتر میں ورک فرام ہوم، اسکول و کالجز کی آن لائن کلاسز کی تجاویز بھی زیر غور آئیں گی۔