رجب بٹ نے اہلیہ ایمان فاطمہ سے شادی ختم کرنے کا اعلان کر دیا

پاکستانی یوٹیوبر اور فیملی وی لاگر رجب بٹ نے اپنی اہلیہ ایمان فاطمہ سے شادی ختم کرنے کا باقاعدہ اعلان کر دیا ہے۔

رجب بٹ نے 2024ء میں ایمان فاطمہ سے شادی کی تھی جس کی تقریبات سوشل میڈیا پر وائرل ہوئیں اور مداحوں نے اس جوڑے کو کافی سراہا تھا۔

حال ہی میں ایک پوڈکاسٹ میں گفتگو کرتے ہوئے رجب بٹ نے کہا کہ وہ اس شادی کو ختم کرنے کا فیصلہ کر چکے ہیں اور اس رشتے کو بچانے کی مزید کوشش نہیں کریں گے کیونکہ وہ منافقت پر مبنی تعلقات کو نہیں چلانا چاہتے۔

یوٹیوبر نے اپنے بیان میں کہا کہ ان کے لیے ان کا بیٹا کیوان سب سے اہم ہے اور وہ ہمیشہ اس سے محبت کریں گے۔ ان کا کہنا تھا کہ ان کی تمام دولت بھی بیٹے کے نام ہوگی اور کوئی انہیں اپنے بیٹے سے ملنے سے نہیں روک سکتا۔

رجب بٹ نے مزید بتایا کہ وہ ایک سال پرانی شادی کو اپنے 30 سال پرانے والدین پر ترجیح نہیں دے سکتے، اسی لیے انہوں نے یہ رشتہ ختم کرنے کا فیصلہ کیا۔

انہوں نے دعویٰ کیا کہ اہلیہ نے مبینہ طور پر ان کی والدہ پر پرفیوم چوری کا الزام لگایا، اور ان کے برسوں پرانے دوستوں کے ساتھ بھی رویہ مناسب نہیں رہا۔