روحانی مشورے دینے والا ’’راہب روبوٹ‘‘ متعارف

جاپانی محققین نے انسان نما ایک ایسا جدید روبوٹ تیار کر لیا ہے جو نہ صرف انسانوں کو روحانی مشورے دے گا بلکہ مستقبل میں انسانی راہبوں کی کمی کو پورا کرنے میں بھی مددگار ثابت ہو گا۔ یہ روبوٹ مصنوعی ذہانت (AI) کی مدد سے لیس ہے اور بدھ مت کی قدیم و پیچیدہ تعلیمات پر مکمل دسترس رکھتا ہے۔ ماہرین کا کہنا ہے کہ یہ روبوٹ ایسے حساس مسائل پر بھی گفتگو کر سکتا ہے جنہیں انسان عام طور پر کسی دوسرے سے شیئر کرنے میں شرمندگی محسوس کرتے ہیں۔ یہ ایجاد ثابت کرتی ہے کہ اب سائنس کی رسائی انسانی جذبات اور روحانیت تک بھی ہو چکی ہے۔