غروبِ آفتاب کے بعد آج آسمان پر سیاروں کی خوبصورت ترتیب دیکھی گئی

پاکستان کے خلائی تحقیقاتی ادارے ‘سپارکو’ کے مطابق آج غروبِ آفتاب کے فوراً بعد آسمانی افق پر سیاروں کی ایک دلفریب ترتیب دیکھی گئی۔ اس فلکیاتی منظر میں عطارد (Mercury)، زہرہ (Venus) اور زحل (Saturn) مغربی افق پر نمودار ہوئے تاہم وہ جلد ہی غروب ہو گئے۔ مشاہدے کے دوران مشتری (Jupiter) سب سے زیادہ روشن اور چاند کے انتہائی قریب نظر آیا، جس نے شہریوں کی توجہ اپنی جانب مبذول کرائے رکھی۔ سپارکو کا کہنا ہے کہ اگرچہ یورینس اور نیپچون بھی اس ترتیب کا حصہ تھے، لیکن دوری کی وجہ سے وہ عام انسانی آنکھ سے دکھائی نہیں دیے۔