شناخت برقرار رکھنے کیلئے ہالی ووڈ میں جانا پڑا، پریانکا چوپڑا بالی ووڈ پر برس پڑیں

عالمی شہرت یافتہ اداکارہ پریانکا چوپڑا نے انکشاف کیا ہے کہ ایک وقت ایسا آیا تھا جب انہیں بھارتی فلم انڈسٹری میں دیوار سے لگا دیا گیا تھا اور کام کے مواقع انتہائی محدود ہو گئے تھے۔ ایک حالیہ پوڈ کاسٹ میں گفتگو کرتے ہوئے انہوں نے بتایا کہ بالی ووڈ سیاست اور تعلقات پر مبنی نظام ہے جہاں کامیابی مستقل نہیں رہتی۔ خود کو ذہنی اور جذباتی طور پر محفوظ رکھنے کے لیے انہوں نے ہالی ووڈ کا رخ کیا۔ پریانکا کے مطابق، 2012 میں موسیقی کے ذریعے امریکہ میں قدم رکھنا ان کے لیے “تازہ ہوا کا جھونکا” ثابت ہوا، جس نے ان کے لیے کامیابی کے نئے دروازے کھول دیے۔