آج شب چاند خانہ کعبہ کے عین اوپر آئے گا؛ دنیا بھر میں قبلہ رخ کا تعین کرنا آسان، ماہرینِ فلکیات

سعودی ماہرینِ فلکیات کے مطابق آج ایک نایاب اور خوبصورت فلکیاتی منظر دیکھا جا سکے گا جب چاند خانہ کعبہ کے عین اوپر جلوہ گر ہوگا۔ اس موقع پر چاند کی روشنی 91 فیصد ہوگی اور آسمان پر دیگر چمکدار ستارے بھی نمایاں ہوں گے۔ اس منظر کو عام آنکھ سے بھی دیکھا جا سکے گا۔ ماہرین کا کہنا ہے کہ جس لمحے چاند کعبہ کے عین اوپر ہوگا، دنیا کے مختلف ممالک میں مقیم مسلمان انتہائی آسان طریقے سے اپنے مقام پر قبلہ رخ کی سمت کا درست تعین کر سکیں گے۔