اداکارہ فریال گوہر اور جمال شاہ نے طلاق کی اصل وجہ بتادی

معروف اداکار اور آرٹسٹ جمال شاہ نے اعتراف کیا ہے کہ ان کی شخصیت شادی کے بندھن کے لیے موزوں نہیں تھی، جس کی وجہ سے فریال گوہر کے ساتھ ان کا رشتہ برقرار نہ رہ سکا۔ گفتگو کے دوران جمال شاہ نے اسلام آباد میں ایک آرٹ انسٹی ٹیوٹ کے قیام کے دوران پیش آنے والے اختلافات کا تذکرہ بھی کیا، جہاں فریال گوہر کے مشورے کو نظر انداز کرنا تعلقات میں مزید دوری کا سبب بنا۔ واضح رہے کہ اس جوڑے کی طلاق 1992 میں ہوئی تھی، تاہم 1987 سے ہی ان کے درمیان مسائل کا آغاز ہو چکا تھا۔ دونوں فنکاروں کی حالیہ گفتگو نے مداحوں کو یہ پیغام دیا ہے کہ رشتہ ختم ہونے کے بعد بھی وقار اور احترام برقرار رکھا جا سکتا ہے۔